最動人的情話 (刁民公園)

diumanpark | 14-Feb-07, 00:39 | 知無不言．蟹無不拑, 生活刁覺 | (19893 Reads)

平均分: 6.50 | 評分人數: 6

葉一知

網上流傳著一篇〈愛的承諾〉的文章，是女主播張慧慈寫的。張慧慈在文中很甜蜜地發表她聽過的「最動人情話」，適逢情人節，當然要與大家分享如此絕佳情話。

是不是成個人都動了？

明天正好大派用場，是不是？嫌這種情話太難講？可以來個簡化版的：「貨銀兩訖」、「見票即收」、「家陣擄Love，將啲錢攞晒出嚟」。是不是既簡單，又動人呢？難怪連那個女性雜誌女記者都要哽咽了。

不過大家留意，要學張慧慈老公說那種動死人的情話，不單止要有能夠兌現的決心，還要有一定的條件，例如收入比對方多兩倍。如果你的情話是「愛你一生一世」，即使有神秘力量告訴張你一定會做到，將承諾兌現，但你的收入少她一倍，這句話還是不動人，因為人家可不想你兌現。

說到動人情話，就好像是女人專利，從來沒人問男人聽過最動人的情話是甚麼，真不公平。難道女人都以為，自己的身體就是給男人最動人的情話？

男人也有軟弱的時候，有時也想聽情話。我覺得最動人的情話是甚麼呢？

當我向張小姐那種女朋友說出「我會俾晒啲錢你，求財啫大姐」的動人情話後，我反問她：「如果我有一天生意失敗，破產傷殘，你會把我給你的收入，還給我嗎？」

如果她答「四折」，我已動人得要哽咽。如果最終不幸地她要兌現這份承諾，每月從LV手袋拿出幾千元，像發綜援般給我，我也動人得要死了。

至於那個哽咽的記者，我相信，她一定認為像張的老公那樣出色的男人，竟然每月像拿綜援般問老婆索取零用，因而傷心流涕。換了是她這樣幸運，怎可能這樣對自己心愛的男人？拿七成便夠了。

留言(259) | 引用(4) | 話題(男人／女人)

[1]

成篇文既重點係：當時收入對方多兩倍﹗

[引用] | 作者 ming | 14-Feb-07 00:53 | [舉報垃圾留言]

[2]

你捉錯重點喇，重點係張慧慈個樣幾靚。

[引用] | 作者 Jan | 14-Feb-07 00:59 | [舉報垃圾留言]

[3]

我反而成個人都楝(直)了…呵呵! 情人節快樂!

[引用] | 作者阿文 | 14-Feb-07 01:10 | [舉報垃圾留言]

[4] 有什麼好感動

我真不明白，男朋友的收入是自己的兩倍，妳問他要錢，他說句拿去吧有什麼好感動。

若他有這麼強的賺錢能力，給妳知的多妳兩倍，難保不給妳知的多妳十倍，妳怎麼知道？

說穿了不又是"等價交易"，Oh!Sorry，連"等價交易"也不如，直頭係有妳著數，怪不得拍拖半年就"拿拿聲"嫁給他。十年安全期有什麼大不了，要晒命，過多十年再講啦。

反說，公一份婆一份有什麼失禮，我看那些懂得互相扶持的夫婦，才最天長地久。

不看你這篇文章，不知道張慧慈這麼浮誇膚淺，唉！看錯了她。

我說，最動人的情話是：
"老公，你肯唔肯俾哂份糧我？"
"老婆，如果妳要我一定俾！"
"老公，但係我人工多妳兩倍喎？"
"老婆，無所謂，有妳就夠！"
"老公~~~~!"

張小姐，妳慳D啦！

[引用] | 作者謙謙 | 14-Feb-07 01:16 | [舉報垃圾留言]

[5] Re:

ming :
成篇文既重點係：當時收入對方多兩倍﹗

hahhahahaha, 我都唔知係咪動人的重點! 還是這是G點?

[引用] | 作者葉一知 | 14-Feb-07 01:19 | [舉報垃圾留言]

[6] Re:

Jan :
你捉錯重點喇，重點係張慧慈個樣幾靚。

坦白說, 我都覺得佢幾靚的, 抵佢搵到咁動人的情話!

[引用] | 作者葉一知 | 14-Feb-07 01:20 | [舉報垃圾留言]

[7] Re:

阿文 :
我反而成個人都楝(直)了…呵呵! 情人節快樂!

棟篤笑啦呢篇文直頭, HAHA

情人節快樂!

[引用] | 作者葉一知 | 14-Feb-07 01:20 | [舉報垃圾留言]

[8] Re: 有什麼好感動

謙謙 :
我真不明白，男朋友的收入是自己的兩倍，妳問他要錢，他說句拿去吧有什麼好感動。
若他有這麼強的賺錢能力，給妳知的多妳兩倍，難保不給妳知的多妳十倍，妳怎麼知道？
說穿了不又是"等價交易"，Oh!Sorry，連"等價交易"也不如，直頭係有妳著數，怪不得拍拖半年就"拿拿聲"嫁給他。十年安全期有什麼大不了，要晒命，過多十年再講啦。
反說，公一份婆一份有什麼失禮，我看那些懂得互相扶持的夫婦，才最天長地久。
不看你這篇文章，不知道張慧慈這麼浮誇膚淺，唉！看錯了她。
我說，最動人的情話是："老公，你肯唔肯俾哂份糧我？""老婆，如果妳要我一定俾！""老公，但係我人工多妳兩倍喎？""老婆，無所謂，有妳就夠！""老公~~~~!"
張小姐，妳慳D啦！

佢冇話感動, 佢話動人啫, 即係話而家有人俾十億我, 你都咪話唔動人, HAHHAHA

[引用] | 作者葉一知 | 14-Feb-07 01:21 | [舉報垃圾留言]

[9]

咁樣既「動人情話」居然仲要諗半天先諗得到.......

睇最開頭的時候我真係以為講一ｄ好動人既情話－－至少我期望會感動到我。誰知是「棟人的情話」...(俾佢個開場白棟左)...

[引用] | 作者茵 | 14-Feb-07 01:29 | [舉報垃圾留言]

[10] Re: 有什麼好感動

謙謙 :
我真不明白，男朋友的收入是自己的兩倍，妳問他要錢，他說句拿去吧有什麼好感動。
若他有這麼強的賺錢能力，給妳知的多妳兩倍，難保不給妳知的多妳十倍，妳怎麼知道？
說穿了不又是"等價交易"，Oh!Sorry，連"等價交易"也不如，直頭係有妳著數，怪不得拍拖半年就"拿拿聲"嫁給他。十年安全期有什麼大不了，要晒命，過多十年再講啦。
反說，公一份婆一份有什麼失禮，我看那些懂得互相扶持的夫婦，才最天長地久。
不看你這篇文章，不知道張慧慈這麼浮誇膚淺，唉！看錯了她。
我說，最動人的情話是："老公，你肯唔肯俾哂份糧我？""老婆，如果妳要我一定俾！""老公，但係我人工多妳兩倍喎？""老婆，無所謂，有妳就夠！""老公~~~~!"
張小姐，妳慳D啦！

AGREE!!! 條女真係幾膚淺, 又貪錢!

[引用] | 作者 9317 | 14-Feb-07 01:46 | [舉報垃圾留言]

[11]

我想最動人的地方不是把錢都全給她..而是那男人真的兌現了他的諾言

[引用] | 作者 JC | 14-Feb-07 01:51 | [舉報垃圾留言]

[12]

阿張小姐呢段好東西已經被人定義為「經典港女」聖典。
Okay, money for sex relationship 又一經典例証。唔知某人(即佢老公)現時有無伸笨？
講真，一般的樣貌依然有人上當，香港男人應該反省一下。

[引用] | 作者太陽風 | 14-Feb-07 01:55 | [舉報垃圾留言]

[13] Re:

茵 :
咁樣既「動人情話」居然仲要諗半天先諗得到.......
睇最開頭的時候我真係以為講一ｄ好動人既情話－－至少我期望會感動到我。誰知是「棟人的情話」...(俾佢個開場白棟左)...

HAHHAA, 因為真係冇聽過"動人"情話, 唯有寫呢樣, 咪諗咁耐囉!

[引用] | 作者葉一知 | 14-Feb-07 01:57 | [舉報垃圾留言]

[14] Re: Re: 有什麼好感動

9317 :
謙謙 :我真不明白，男朋友的收入是自己的兩倍，妳問他要錢，他說句拿去吧有什麼好感動。若他有這麼強的賺錢能力，給妳知的多妳兩倍，難保不給妳知的多妳十倍，妳怎麼知道？說穿了不又是"等價交易"，Oh!Sorry，連"等價交易"也不如，直頭係有妳著數，怪不得拍拖半年就"拿拿聲"嫁給他。十年安全期有什麼大不了，要晒命，過多十年再講啦。反說，公一份婆一份有什麼失禮，我看那些懂得互相扶持的夫婦，才最天長地久。不看你這篇文章，不知道張慧慈這麼浮誇膚淺，唉！看錯了她。我說，最動人的情話是："老公，你肯唔肯俾哂份糧我？""老婆，如果妳要我一定俾！""老公，但係我人工多妳兩倍喎？""老婆，無所謂，有妳就夠！""老公~~~~!"張小姐，妳慳D啦！

AGREE!!! 條女真係幾膚淺, 又貪錢!

不願置評!

[引用] | 作者葉一知 | 14-Feb-07 01:57 | [舉報垃圾留言]

[15] Re:

JC :
我想最動人的地方不是把錢都全給她..而是那男人真的兌現了他的諾言

"如果你的情話是「愛你一生一世」，即使有神秘力量告訴張你一定會做到，將承諾兌現，但你的收入少她一倍，這句話還是不動人，因為人家可不想你兌現。"

[引用] | 作者葉一知 | 14-Feb-07 01:58 | [舉報垃圾留言]

[16] Re:

太陽風 :
阿張小姐呢段好東西已經被人定義為「經典港女」聖典。Okay, money for sex relationship 又一經典例証。唔知某人(即佢老公)現時有無伸笨？講真，一般的樣貌依然有人上當，香港男人應該反省一下。

haha, 係咪會出港女聖經?

[引用] | 作者葉一知 | 14-Feb-07 01:58 | [舉報垃圾留言]

[17]

唔好咁諗，一個女人真正鐘意你ge，一定會願意跟你同甘共苦。
男人賺錢俾女人洗，男人唔係先會有face咩？

[引用] | 作者苦樂共賞 | 14-Feb-07 01:59 | [舉報垃圾留言]

[18] Re:

苦樂共賞 :
唔好咁諗，一個女人真正鐘意你ge，一定會願意跟你同甘共苦。男人賺錢俾女人洗，男人唔係先會有face咩？

問題係, 如果張小姐o既第二任男友(即依家個老公)係無錢的話, 你估佢有無咁好福氣溝得掂阿萬人迷張慧慈?

[引用] | 作者哈哈 | 14-Feb-07 02:05 | [舉報垃圾留言]

[19] Re:

苦樂共賞 :
唔好咁諗，一個女人真正鐘意你ge，一定會願意跟你同甘共苦。男人賺錢俾女人洗，男人唔係先會有face咩？

我想話, 鍾意錢, 其實冇問題, 唔關我事, 但"俾晒啲錢你"係最動人的情話, come on!

[引用] | 作者葉一知 | 14-Feb-07 02:06 | [舉報垃圾留言]

[20] Re: Re:

哈哈 :
苦樂共賞 :唔好咁諗，一個女人真正鐘意你ge，一定會願意跟你同甘共苦。男人賺錢俾女人洗，男人唔係先會有face咩？

問題係, 如果張小姐o既第二任男友(即依家個老公)係無錢的話, 你估佢有無咁好福氣溝得掂阿萬人迷張慧慈?

我只係覺得, 呢句情話冇乜創意, 點動人? 人人都識講!

[引用] | 作者葉一知 | 14-Feb-07 02:08 | [舉報垃圾留言]

[21]

無言。一點也不感動。

[引用] | 作者 bluestar | 14-Feb-07 02:32 | [舉報垃圾留言]

[22]

這就是港女

又令我諗起一個賣鑽石的廣告，一個男士想求婚，拿著一顆小鑽戒，點知女友有一顆大鑽石，於是男士知難而退，果個廣告的理念，與上面果篇文章一脈相承．

大家不要評擊張小姐，畢竟講真話是無罪的，這亦是很多女士的心聲．

不過，我很擔心有些相貌較為平凡的女士，也有樣學樣，咁就大件事了「你俾晒份糧俾我，我就做你女朋友，俾一半，就做半個女朋友，你同阿Richard夾份share我一個啦，佢都係俾半份糧」，「你將你阿媽層樓轉我個名，趕佢去填海區，我就嫁你」」，「你老豆幾時死，有幾多身家分俾你？」

最後果句都並非完全講笑，我在she.com見到有女士留言，話希望未來男友雙親早亡，等未來男友唔駛花錢供養父母．

因為香港社會太過利慾薰心，雜誌淨係識講乜乜物物名牌，或者大肆吹噓李家誠徐子琪世紀婚禮，慢慢便扭曲了很多女士的想法．

[引用] | 作者 KK | 14-Feb-07 04:10 | [舉報垃圾留言]

[23] 應改名為"愛的買賣"或曰"最動人的交易"

看了之後,有幾點感想:

1. 這段"最動人的情話"的確令我很感動,因為使我回想自己有一個很好的女朋友!

2. 如果一個女仔劈頭就問:"有朝一日我們結婚,你會將所有收入交給我嗎?" 我的第一個反應也會是"此人娶不得."

3.從釣金龜婿的策略看,一句問題就被人睇穿你貪財的真面目,真係除非有張小姐咁上下美貌,唔係真係試唔過!

4.張小姐兩個男友其實都好,因為都夠老實,第一個講真話表明唔受你昆,總好過婚後玩變臉;第二個心甘情願,講得出做得到.不過阿張小姐以為個男人俾哂D錢佢就可以保證他對你無隱暪,也真是naive得可愛.

4.讓這篇如此文章冠上”愛的承諾”這標題，簡直是褻瀆愛情.應易名為"愛的買賣".她分享了一個人生中最動人的交易,的確令不少女人心動的.

[引用] | 作者筆求仁 | 14-Feb-07 05:02 | [舉報垃圾留言]

[24]

是不是成個人都動了？葉一知,你這句說話咩意思呀?上面動,還是下面動呀?

[引用] | 作者孟波 | 14-Feb-07 06:57 | [舉報垃圾留言]

[25]

我明白了！原來主播眼中的世界是這樣的……

[引用] | 作者羅狄基‧塔坦尼 | 14-Feb-07 07:04 | [舉報垃圾留言]

[26]

Love is Money?

[引用] | 作者三毛 | 14-Feb-07 07:11 | [舉報垃圾留言]

[27] Re: 應改名為"愛的買賣"或曰"最動人的交易"

筆求仁 :
看了之後,有幾點感想:
1. 這段"最動人的情話"的確令我很感動,因為使我回想自己有一個很好的女朋友!
2. 如果一個女仔劈頭就問:"有朝一日我們結婚,你會將所有收入交給我嗎?" 我的第一個反應也會是"此人娶不得."
3.從釣金龜婿的策略看,一句問題就被人睇穿你貪財的真面目,真係除非有張小姐咁上下美貌,唔係真係試唔過!
4.張小姐兩個男友其實都好,因為都夠老實,第一個講真話表明唔受你昆,總好過婚後玩變臉;第二個心甘情願,講得出做得到.不過阿張小姐以為個男人俾哂D錢佢就可以保證他對你無隱暪,也真是naive得可愛.
4.讓這篇如此文章冠上”愛的承諾”這標題，簡直是褻瀆愛情.應易名為"愛的買賣".她分享了一個人生中最動人的交易,的確令不少女人心動的.

一知兄，呢篇野掂喎！咁多回響！

咁多篇回應，最岩我心水Do係筆仁兄...噢，筆求仁兄至真。

但係有兩點我想補充下。

1)成口話佢老公將承諾兌現，係最動人之處。但係講黎講去，只係張小姐講咋喎！戊水知真定假，即係好似D女仔情人節收唔到花，自己都要買番朵黎威下既一樣，張小姐寫黎羅下彩唔俾呀，你點知真定假，D女仔既幻想力好勁架，有時連自己Do呃埋架。

2)人人都話張小姐靚，唔係掛你地？！？！咁都叫... ...

p.s.
其實我同張小姐真係無仇，亦非針對佢，只係葉兄引用的文章太"港女典形"了，事必引起眾男仕的共鳴，我想，回應陸續有黎。

同筆兄一樣，看後我更覺我女朋友愛我貴重於我D錢，兼且比張小姐靚得多！(真係架！唔係講笑！Hahaha!!!)

[引用] | 作者謙謙 | 14-Feb-07 07:25 | [舉報垃圾留言]

[28]

有冇搞錯!張慧慈,這篇〈愛的承諾〉的故事,一啲都唔浪漫,有太多雜質,被金錢污染."張慧慈"結婚十年,咁又點?唔代表"張慧慈"感受過真愛的滋味,低層次的愛情故事.

約翰納殊:我分唔到乜嘢係真,乜嘢係假,"有你終生美麗,A Beautiful Mind".

[引用] | 作者約翰納殊 | 14-Feb-07 07:34 | [舉報垃圾留言]

[29]

情人節快樂~^^

[引用] | 作者 Oasis | 14-Feb-07 08:16 | [舉報垃圾留言]

[30]

衷心希望這篇文章不是張小姐寫的. 或許她認為男方愈肯讓女方花錢= 愈愛她吧...

同意某樓上說, 如果一個女仔劈頭就問: "有朝一日我們結婚,你會將所有收入交給我嗎?" 我的第一個反應也會是"此人娶不得."

介意常歧視港女, 未必個個如此的!

[引用] | 作者一個讀者 | 14-Feb-07 09:04 | [舉報垃圾留言]

[31]

她在文章說: 錢財身外物.

那麼她又為何那麼關注對方會不會把所有金錢給自己呢?

[引用] | 作者 cr | 14-Feb-07 09:29 | [舉報垃圾留言]

[32]

哇哈哈哈，難怪鑽石要閃d啦!

正如上面cr所講，話唔應該計得咁清楚果個又係佢，要立哂人地成副身家果個，又係佢，呢個先係最強笑位!

唔好講錢唔錢先，呢種想斷你米路既女人，十足十蔡瀾講果種，幾歲開始就要管個細佬唔準佢玩機械人要陪佢玩煮飯仔，十幾歲就管下同班男同學有冇偷偷地帶咸書返黎睇，過多幾年搵到男友就管住佢唔俾佢同其他女性動物講野，再過多幾年出黎做野又管下公司倒垃圾果位嬸嬸倒垃圾既姿勢正唔正確，又再過多幾年生左個女出黎就plan好點樣管到佢三十歲打後...

到最後，個女大左，俾佢管返轉頭!

我話知你362436丫，呢種管家婆，真係咪攪!

[引用] | 作者笨爸 | 14-Feb-07 10:07 | [舉報垃圾留言]

[33]

試下在這裡唱唱反調先, 我覺得張小姐這句又唔算太大問題, 畢竟, 現實生活中, 要生存又真係需要麵包的, 單靠浪漫又真係過唔到日架喎! 要知道, 結婚係一生一世的承諾, 當兩個人要生活在一起時, 面對的就不只是浪漫咁簡單, 而係一連串的人情及生活所需。所以這問題背後所隱藏的是該男人是一個斤斤計較或沒承擔的人, 定還是係一個有責任心, 有擔帶的男人。

套一句我爸爸的說話, 阿仔你要在學生時代拍拖無所謂, 但係你將來會唔會餓死老婆"温"臭屋先? 作為男人係要有擔帶的。

[引用] | 作者 Ronald | 14-Feb-07 10:16 | [舉報垃圾留言]

[34]

而家擄Love... 呢句掂喎!

[引用] | 作者 kendrickho | 14-Feb-07 10:19 | [舉報垃圾留言]

[35] stand-by L/C

男女若是用金錢去衡量愛對方的程度, 愛情請不如叫做"價高者得", 又或是"到價俾你"...

在你真正經濟上有危機時才毫無保留大力"撐"你渡過難關, 好像一張standby L/C, 要用即時present...冇expiry date..患難見真情啊! Honey!

我就是那張冇expiry date 嘅stand-by L/C...

[引用] | 作者 Man Cheung | 14-Feb-07 10:24 | [舉報垃圾留言]

[36]

The story's not based on a "men and women are equal" note. I agree that gentlemen need as much on his side just as ladies.
Plus, I believe, women nowdays don't need to have the husband's money to get on with life.
Happy Valentines!!!

[引用] | 作者 MH | 14-Feb-07 10:26 | [舉報垃圾留言]

[37]

甚少睇張小姐既專欄, 原來佢連寫作水平好一般咋喎.

第二段一開首話年少愛看愛情小說, 原以為呢段係講愛情觀受小說影響云云, 點知話鋒一轉講大學開始拍拖, 跟住一直講初戀男... 我真係R晒頭, 咁一開始講睇愛情小說做乜?

到講第一個男友話明大家要財政獨立家用AA制, 當年張小姐不以為然, 按一般行文格局, 理應有一番轉折, 到最後張小姐經驗人生種種, 最後才猛然發現原來初戀男友那一番才是至理明言, 只是當時年少無知. 點知, 跟住跑出一個人工double, 又100%奉獻既2號男友, 再來一個大團圓結果添! 睇到呢度, 才知剛才我諗得太多, 係張小姐眼中, 最佳最佳男人係個100%忠於自己既partner, 甚至於係個理財白痴也沒有所謂! 呢d係咩標準呀!

[引用] | 作者 kendrickho | 14-Feb-07 10:36 | [舉報垃圾留言]

[38]

再講, 文章末段講果個無知小記又為乜呢? 用來襯托突顯自己才貌雙全, 兼釣到聽話既老公? 側面證明自己人生美滿, 高人一等?

"情話可以很甜蜜, 卻不一定能夠兌現" 文章末段既結論更加係無厘那更, 佢又唔係被男人甜言蜜語誆過, 憑什麼有這樣結論?

[引用] | 作者 kendrickho | 14-Feb-07 10:45 | [舉報垃圾留言]

[39]

正！

以投資角度看, 張慧慈依單刁成績比超人賣橙不煌多讓.

我都希望做一單咁嘅刁！！！

[引用] | 作者蕉 | 14-Feb-07 11:08 | [舉報垃圾留言]

[40] Re:

bluestar :
無言。一點也不感動。

只有佢一人感動....

(乜咁群情洶湧..,咁多人留言)

[引用] | 作者葉一知 | 14-Feb-07 11:19 | [舉報垃圾留言]

[41] Re:

KK :
這就是港女
又令我諗起一個賣鑽石的廣告，一個男士想求婚，拿著一顆小鑽戒，點知女友有一顆大鑽石，於是男士知難而退，果個廣告的理念，與上面果篇文章一脈相承．
大家不要評擊張小姐，畢竟講真話是無罪的，這亦是很多女士的心聲．
不過，我很擔心有些相貌較為平凡的女士，也有樣學樣，咁就大件事了「你俾晒份糧俾我，我就做你女朋友，俾一半，就做半個女朋友，你同阿Richard夾份share我一個啦，佢都係俾半份糧」，「你將你阿媽層樓轉我個名，趕佢去填海區，我就嫁你」」，「你老豆幾時死，有幾多身家分俾你？」
最後果句都並非完全講笑，我在she.com見到有女士留言，話希望未來男友雙親早亡，等未來男友唔駛花錢供養父母．
因為香港社會太過利慾薰心，雜誌淨係識講乜乜物物名牌，或者大肆吹噓李家誠徐子琪世紀婚禮，慢慢便扭曲了很多女士的想法．

hahaha, 想人老豆老母早d死, 我相信也是真心話, 現實不敢講, 咪上網講..

我都話, 你的價值觀與我無關, 但將之定性為"最動人情話", 很侮辱"情"這個字.

[引用] | 作者葉一知 | 14-Feb-07 11:21 | [舉報垃圾留言]

[42] Re: 應改名為"愛的買賣"或曰"最動人的交易"

筆求仁 :
4.讓這篇如此文章冠上”愛的承諾”這標題，簡直是褻瀆愛情.應易名為"愛的買賣".她分享了一個人生中最動人的交易,的確令不少女人心動的.

這一點, 正是我要寫這篇文章的原因.., 乜野係愛的承諾??????

[引用] | 作者葉一知 | 14-Feb-07 11:24 | [舉報垃圾留言]

[43] Re:

孟波 :
是不是成個人都動了？葉一知,你這句說話咩意思呀?上面動,還是下面動呀?

想動你!

[引用] | 作者葉一知 | 14-Feb-07 11:24 | [舉報垃圾留言]

[44] Re:

羅狄基‧塔坦尼 :
我明白了！原來主播眼中的世界是這樣的……

haha, 算啦..., 我只係針對佢的"動人情話", 佢的價值觀與我無關...

[引用] | 作者葉一知 | 14-Feb-07 11:25 | [舉報垃圾留言]

[45] Re: Re: 應改名為"愛的買賣"或曰"最動人的交易"

謙謙 :
筆求仁 :看了之後,有幾點感想:1. 這段"最動人的情話"的確令我很感動,因為使我回想自己有一個很好的女朋友!2. 如果一個女仔劈頭就問:"有朝一日我們結婚,你會將所有收入交給我嗎?" 我的第一個反應也會是"此人娶不得."3.從釣金龜婿的策略看,一句問題就被人睇穿你貪財的真面目,真係除非有張小姐咁上下美貌,唔係真係試唔過!4.張小姐兩個男友其實都好,因為都夠老實,第一個講真話表明唔受你昆,總好過婚後玩變臉;第二個心甘情願,講得出做得到.不過阿張小姐以為個男人俾哂D錢佢就可以保證他對你無隱暪,也真是naive得可愛.4.讓這篇如此文章冠上”愛的承諾”這標題，簡直是褻瀆愛情.應易名為"愛的買賣".她分享了一個人生中最動人的交易,的確令不少女人心動的.

一知兄，呢篇野掂喎！咁多回響！
咁多篇回應，最岩我心水Do係筆仁兄...噢，筆求仁兄至真。
但係有兩點我想補充下。
1)成口話佢老公將承諾兌現，係最動人之處。但係講黎講去，只係張小姐講咋喎！戊水知真定假，即係好似D女仔情人節收唔到花，自己都要買番朵黎威下既一樣，張小姐寫黎羅下彩唔俾呀，你點知真定假，D女仔既幻想力好勁架，有時連自己Do呃埋架。
2)人人都話張小姐靚，唔係掛你地？！？！咁都叫... ...
p.s.其實我同張小姐真係無仇，亦非針對佢，只係葉兄引用的文章太"港女典形"了，事必引起眾男仕的共鳴，我想，回應陸續有黎。
同筆兄一樣，看後我更覺我女朋友愛我貴重於我D錢，兼且比張小姐靚得多！(真係架！唔係講笑！Hahaha!!!)

簡直群情洶湧, 攞我命......

我也不是針對佢啦, 講過啦, 關我鬼事, 但學筆兄話, 咁樣係將"情"來侮辱!

[引用] | 作者葉一知 | 14-Feb-07 11:27 | [舉報垃圾留言]

[46] Re:

約翰納殊 :
有冇搞錯!張慧慈,這篇〈愛的承諾〉的故事,一啲都唔浪漫,有太多雜質,被金錢污染."張慧慈"結婚十年,咁又點?唔代表"張慧慈"感受過真愛的滋味,低層次的愛情故事.約翰納殊:我分唔到乜嘢係真,乜嘢係假,"有你終生美麗,A Beautiful Mind".

john nash果d故事就真係動人啦! 果d先係愛的承諾!

[引用] | 作者葉一知 | 14-Feb-07 11:28 | [舉報垃圾留言]

[47] Re:

Oasis :
情人節快樂~^^

情人節快樂啊!

[引用] | 作者葉一知 | 14-Feb-07 11:28 | [舉報垃圾留言]

[48] Re:

一個讀者 :
衷心希望這篇文章不是張小姐寫的. 或許她認為男方愈肯讓女方花錢= 愈愛她吧...
同意某樓上說, 如果一個女仔劈頭就問: "有朝一日我們結婚,你會將所有收入交給我嗎?" 我的第一個反應也會是"此人娶不得."
介意常歧視港女, 未必個個如此的!

我無歧視香港女仔呀..,hahha

[引用] | 作者葉一知 | 14-Feb-07 11:29 | [舉報垃圾留言]

[49] Re:

cr :
她在文章說: 錢財身外物.
那麼她又為何那麼關注對方會不會把所有金錢給自己呢?

這就是我大惑不解的地方了!

[引用] | 作者葉一知 | 14-Feb-07 11:30 | [舉報垃圾留言]

[50] Re:

笨爸 :
哇哈哈哈，難怪鑽石要閃d啦!
正如上面cr所講，話唔應該計得咁清楚果個又係佢，要立哂人地成副身家果個，又係佢，呢個先係最強笑位!
唔好講錢唔錢先，呢種想斷你米路既女人，十足十蔡瀾講果種，幾歲開始就要管個細佬唔準佢玩機械人要陪佢玩煮飯仔，十幾歲就管下同班男同學有冇偷偷地帶咸書返黎睇，過多幾年搵到男友就管住佢唔俾佢同其他女性動物講野，再過多幾年出黎做野又管下公司倒垃圾果位嬸嬸倒垃圾既姿勢正唔正確，又再過多幾年生左個女出黎就plan好點樣管到佢三十歲打後...
到最後，個女大左，俾佢管返轉頭!
我話知你362436丫，呢種管家婆，真係咪攪!

其實大家信唔信佢老公真係俾晒d收入佢? 我真係唔信!

[引用] | 作者葉一知 | 14-Feb-07 11:32 | [舉報垃圾留言]